Ólavsøkurenning 2014 - Vaksin

When
July 27, 2014 6:00:00 PM Vesteuropæisk sommertid
Where
Skálatrøð
Distance
5 km
Web
http://www.bragdid.fo

Sunnudagin 27. juli kl. 18.00, skipar Bragdið fyri vælumtóktu Ólavsøkurenningini, á Skálatrøð í Havn. Hetta er samstundis 7. og seinasta Grand Prix renningin í summar. Kappast verður í ymsum bólkum, bæði hjá vaksnum og børnum. Startur og mál í øllum kappingum er á Skálatrøð.


Dreingir klárir til start í 2012. Barnarenningin á ólavsøku hevur mangan verið spennandi, og fleiri nýggjar rennistjørnur eru komnar fram í júst hesi renningini.

Melda til á www.fif.fo, í seinasta lagi fríggjakvøldið 25. juli kl. 22.00.Luttøkugjaldið fyri vaksin er kr. 80,- og fyri børn kr. 40,-. Gjaldast skal við tilmelding, onlinegjald.

 

Startnummar og chip skulu avheintast hjá Lützens Timburhandli, sunnudagin 27. juli frá kl. 16:00 til 17:30

Tað ber eisini til at melda til á staðnum, 27. juli, í millum kl. 16.00 og 17.00!
gg: Tá tilmeldað verður á staðnum er kostnaður vaksin kr. 100,- og kostnaður børn kr. 50,-

Fyri at lætta um verður tí heitt á fólk, at melda til í seinasta lagi 25. juli kl. 22.00

Bragdið brúkar Chip-tíðtaking, at skráseta tíðirnar hjá hvørjum einstøkum rennara. Tað merkir, at allir rennarar fáa útflýggjað eitt sokallað chip saman við startnummarinum. Chippið skal setast á vinstra skógv. Vegleiðing fæst frá fólki á staðnum áðrenn renningina. gg. CHIPPIÐ SKAL LATAST INN AFTUR AFTANÁ RENNINGINA!!!

Startur vaksin:
Byrjað verður kl. 18.00, tá vaksin renna 5 km. Runnið verður nakrar ferðir runt niðri á Skálatrøð og út undir Bakka. Sama ruta sum undanfarin ár.

Aldursbólkar í Grand Prix síggja soleiðis út:
• Kvinnur opin bólkur (f. -1998) tvs. 16 ár ella eldri
• Menn opin bólkur (f. -1998) tvs. 16 ár ella eldri
• Kvinnur (K45+) veteranar (f. 1959-1968) tvs. 46-55 ár
• Menn (M45+) veteranar (f. 1959-1968) tvs. 46-55 ár
• Kvinnur (K55+) superveteranar (f. -1958 ella fyrr) tvs. 56 ár ella eldri
• Menn (M55+) superveteranar (f. -1958 ella fyrr) tvs. 56 ár ella eldri

Aldurin verður roknaður sum blivin aldur tá árið er runnið.

Startur børn og ung:
Byrjað verður kl. 18.30, tá gentur og dreingir renna. Sama ruta sum undanfarin ár

Aldurbólkarnir hjá børnum eru hesir:
- Dreingir-7/Gentur-7 (f.2007 ella seinni) – 430m
- Dreingir-10/Gentur-10 (f.2004-2006) – 430m
- Dreingir-13/Gentur-13 (f.2001-2003) – 1.300m
- Dreingir-17/Gentur-17 (f.1997-2000) – 1.300 m

Nr. 1, 2, og 3 í øllum bólkum fáa heiðursmerki. Nr. 1 í hvørjum bólki fær steyp til ognar.

Bragdið bjóðar øllum at vera hjartaliga vælkomin til Ólavsøkurenning aftur í ár og við ynskjum um eina góða Ólavsøku